التحرش

كتر التحرش بلبنات
ومعدش يفرق كلامى من السكات
اه عليك يازمن يا ماشيلنا بلمقلوب
الحرمه قلبت صبى والواد صبح ارنوب
مين السبب فى الغلط البت ولا الولد
ما البت لابسه نص قالعه
والواد ياكلها وهى والعه
عيب عليه يسيب له فرصه
والفريسه قالعه جاهزه
والله مالعيب مش عليها او عليه
العيب علينا كلنا لما سبنالها خدودنا مداس
ونسينا يومها نقلها شرف الصبيه كيف الماس
ان انخدش بكلمه يصبح ملوهش اساس
والواد غلط ولا العلام
لما قالوا له انت ملكش ملام
وان الولد مهما انحرف والله ملوهش شرف
شرف الولد زى الورق تكتب عليه تمحيه ولا يبان له حروف
اما البنيه كيف الخروف
اذا اندبح ماتعوضوا ولا بالوف
ولحد امتى يفضل غباءنا مشاع
ونسيب ولادنا مشاع
بلنظره بلهمسه بلكلمه بلمسه
غضوا البصر ودقوا نواقيس الخطر
واياك تخافوا من القدر
وطبقوا شرع النبى والله
واوعاك تقول هى الاساس
طلبت بلسكوت تنداس
واصحوا يا ناس وافتكروا
الحكم عادل وجالنا من مئات السنين
لما حكم ربنا على الزانى والزانيه متساويين

ليله شتويه

طردت من الجنه عريانه
طردت ولكنى بغير حبك انسانه
كى نحكى قصتنا وتشهدها الازمان
كنا فى وقت الفجر وفى ليله شتويه
يبداها البرد القارص يعزف الحانا غجريه
تدق يداك الجائعتان تبغى ام تطلبنى للرقص فى تلك الامسيه
تدنو من اذنى تهمس لى
فى وقت الحزن الكابح فى جسدى
تعلو رغباتك فوق الحق مدوية
تعلن تفجير الوحشيه
فافقت سريعا لاااااااااااااااااا ليست تلك الحريه
فالثمره لم تنضج بعد
مازالت تنتظر الغد
بذرة حبك قد ماتت قد قلت طويلا معلنة
عفوا جسدى ليس سفيرى لديك
فاذا كان الحب عندك جسد فلجسد يفنى والحب باقى للابد
ابحث عن وجهك اذكرك فاجدك مؤودا فى صفحه ذاكرتى
صفحه يطويها العمر مع النسيان
فلنرجع للعالم ذاكرته ونسحب القاب الوحشيه
اهديها اليك فى ذكرى الليله الشتويه المنسيه

حياتى

مازلت اخشى الموت والموت يخشانى
ودفنت جسدى فى رمال شطآنى
وغرقت فى بحور الدمع والهم يلقانى
وزرعت شوكا تجنيه آمالى
ورسمت سربا طار فى خيالى
ورشفت هما حتى ادمانى
لذا..... فقد ماتت حياتى ورغم اليأس حبى ابقانى

كفانى بكاء

كفانى بكاء

كفانى بكاء فقد جف دمعى
ولكن قلبى اليم لحزنى
فمن ذا الذى يستحق البكاء
ودمعى عزيز ليس دوما يجرى
اسيره انا دوما لشجوى
اعيش ظلاما لابارق ياتى
فالى متى اضيع وقتى
وابحثعن اشياء لاتجدى
اردت خيرا اردت سلام
اردت حبا اردت وئام
ورددت عزفى ورددت لحنى
وما من مجيب وهل من مجيب
يجيب التساؤل يزيل الغمام
ويشعرنى بالحب لنخلد انشوده سلام

رغيف العيش

نجم الساعه

ونجم الساعه دلوقتى ماهوش فنان و
لا بلياتشو بيهرج ولا انسان ولا حيوان
فى كل مكان وكل زمان يكون النجم
ومهما كان من الابطال ومهما كانت الاحوال يكون النجم
عظيم الشأن يحتاجه وأفقر حد محتاجه
ومهما قلت ما يكفيش عشانه نستلف ونموت
تهون الروح يهون القوت عشانه طاطينا
وسكتنا وخدنا المنحه من بيتنا مع ان
ه والله مش بيتنا ولا حتى فى سكتنا
لكن بسببه روحنالهم وطاطينالهم
مسحنا الجوخ و بعنا نفوخ
وبرضه لسه فى ازمه لانك يعنى ليك لازمه
رغيف العيش يا متقمر بسببه سلاحهم اتعمر
وقتلوا الدره ويا ياسين وغيره كتيير وناس تانيين
وامتى صحيح؟!!!
اشوفك حلو متعافى واسقيك فى اللبن دافى
ومهما حلمت مش كافى
مهواش بلدعا وحده نغير حال نبدل
حال ونصحى نفوق من الاهوال
عشانك كله هيحارب ويدعى فى سره من قلبه
ويطلب نصر من ربه
يحقق ربك الدعوه لما نعود صحيح امه لها همه
بتزرع قمح والى بتزرعه تاكله ما تدعو معايا
يارب تحرر الامه وتزرع فينا بقى همه

لحبيتى مصر

للغاليه مصر

يا صبيه يا امو الضفاير والقصه ع جبينك
عايقه ومتعايقه بفلوس خواجه ساجن الفرحه فى زنازينك
مبقتش عارفه الكل حبك ولا كارهينك
لكن صحيح الاشتياق ويا الفراق
ويوم ما اقرب ببقى متغرب وبقول لنفسى ان الامان
فى الحضن ويا الام لما تضم ولما عدت وشفت حالك
بكيت لما لقيت الغربه ع ارضك بتفت فى كبدك
وما عدش فى نسمه امل ولا عدتى امى المتحمله زى الجمل
صرتى بتتبرى من الاحمال وتخافى لما تشوفى من الاهوال
ولا عدش ليكى صوت مبحوح كأن الموت جيلك ع الابواب
بيهدد الاحباب قومى وفوقى واغسلى وشك
ملطخاه بلهباب بفلوس كلاب ضاحكين على عقلك
وفكرى ازاى تعودى اميره تتامرى وجمالك يومها يكون يا اما ربانى
يا اللى عشت انا فيكى ونيلك هو الى روانى

دستور

دستور

دستور يا سيادنا ع الدستور
ويقولوا قال تعديل دستور
والشعب هموا يبات مستور
حتى ولو لبس الكاستور
بلا مدارس بلا جامعه
مدام حكومتنا مهيش سامعه
غير اصواتها طب وصواتنا
ما هو سعد قالها مفيش فايده والنار قايده
دى حكومه فاتحه للعواجيز
والشعب عاطل حاجه تغيظ و

تقولى قال تعديل دستور

طب هس بس بدل ما تغور

وتروح فى حته مفهاش نور اخرس

وخلى الطابق مستور
ويقولوا قال تعديل دستور

فى بلادهم زنزبار

فى بلادهم زنزبار

فى بلادهم زنزبار حكومتهم بزرميط
شعبهم جعان وحافى لا لاقى

حته دقه ولا يسمع ع السميط
ماشي زى الكلاب بيشمشموا ع الكباب
ساكنين جوه القبور وبيحلموا بلقصور
لو تسال عن بلادهم هيجاوبك اى حد
دى بلادنا ميه ميه وكله فمسئوليه
ولا فى زحمه مرور وكله بالطابور
ولا فى سجون ولا معتقل وكله

ماشى بلنظام بيقول تمام تعظيم سلام

الللللله حلو الكلام امال بس ليه بتشتكوا من النظام؟!

وتقولوا عايشين فى الظلام

ما العيشه حلوة وميت رضا

امال كلامكم كدب ليه تستاهلوا

عمايل سيدى البيه لما يخصخصكوا بربع جنيه

ويخلى الراجل فيكوا قفا والحرمه مشاع

يلا بلا بتاع عاوزين الحق والله

تستاهلوا عمايل سيدكو البيه
بلا ابصر ايه بلا مدرك ايه

والله تستاهلوا عمايل سيدكو البيه

نفس حائره

نفس حائره

اكتب والقلم يخوفنى من الم ياتى من الماضى
واعود لاحلم بلغربان اتمشى فى وديان الهذيان
واعود لانفخ ابواق النيران وادق نواقيس الاخطار
لا افعل شيئا فى حياتى سوى السيران
ترى من يات يصدقنى انى انسان
لا يطلب شفقه او احسان انسان يعرف تاريخه ويجيد مراقبه الساعات

الطير المهاجر

لبلادى العربيه

يا طير يا مهاجر لبلادى العربيه
حاسه بيك بتغنى ايه هى الاغنيه
رد على وقال لى اغنيه ثورات
راح تحيي الاهات والى يقرب منى
يلاقينى حزنان لاحوال البلدان
هاتى ايدك وتعالى يلا نحلق فوق
هنطير وهنتفرج كيف هى البلدان
شوفى صغار فى عراقنا شاربين ملح عرقنا
يلا ع الجولان كام واحد تعبان!!!!!!!!!!!!!
يلا ع دارفور وامريكا بتدور وبتخطف الاولاد وتبكى الاجداد
يلا عفلسطين والاعداء هايصين
كام واحد بيمووت وبنضحك باعلى صوت
رد على الطير بشويييييش هو انتوا الجايين ولا الدور على مين؟
قلت له يابنى دى محطات وبيقفم فى
اشواط والدور جاى علينا يعنى جاى علينا
قالى الطير: انا راحل وهعود فى اليوم الموعود
يوم ما يعود النور وتعود الاوطان

قصيد يا زمان ملوش امان

يا زمان ملوش امان

يا زمان ملوش امان فاكر زمان
لما كان المصرى اسمه مفتاح الامان
لما كان فلاح بسيط اكلته دقه وسميط
لما كان بينام ع الحصير
ولاكان يهمه غفير ولا امير
لما كان فى الحقل يجمع ابنه واخته وبنت اخته
يازمان ملوش امان فاكر زمان
لما كان المصرى عربى لا له بطاقه ولا جواز
كل البلاد بلده وكل العرب اهله
لما كنا عيله واحده فى حته وحده
بس يا ترى ايه الى كان
يا زمان ملوش امان فاكر زمان
لما كنا كلنا اخوان كمانوكله عايش فى الامان
وام محمود قاعده تحكى لام جرجس ايه الى حاصل من زمان
سامع الاجراس ويا الادان
يازمان ملوش امان فاكر زمان
كلمه الارهاب غريبه يقشعر لها البدن
عمر ما الارهاب يقرب من بلدنا لانه عارف يعنى ايه كلمه وطن
كلنا فى الجد واحد والرب واحد والعمر واحد
يا زمان ملوش امان فاكر زمان
لما كانت البت تمشى هى واصحابها الصغار شايله حاجه
تسمع الواد بيناديها عنك انت ما انت اختى
لكن دلوقتى.............................
يا زمان ملوش امان فاكر زمان
ايه السبب وليه العجب
تيجوا نسال بس ميين؟
مش مهم مين السبب لكن المهم نصلح الغلط
عشان نكون انسان حقيقى مش زلط
ويعود زمااااااااااااان هو الزمان
يا زمان ملوش امان فاكر زمان